Bidasoa eskualdean, kultura eta tradizioan oinarritutako turismo jasangarria bultzatu eta sektorea desestazionalizatzeko estrategiaren helburuetan sakondu nahian dabil Gipuzkoako Foru Aldundia. Sektorearen indargune eta ahuleziak bertatik-bertara ezagutzeko, arloko foru diputatua Irun-Hondarribiko agintariekin eta sektoreko eragileekin bildu da aste honetan egindako bisitan.
Gazte Egunean parte hartzeko adinik ez dutela uste dutenek ere, Merkatu Ttikia, antzerkia, kontzertuak, sukaldaritza tailerra eta poesia errezitaldi musikatuaz gozatzeko aukera ere izanen dute.
Maiatzaren 23an Hondarribiko Kultur Etxean izandako saioan luze-zabal erantzun zien Igor Enparan alkateak herritarren galderei · Alardearen gaiaren inguruan, "adiskidetzea" helburu duela berretsi zuen, eta horren inguruan pausuak ematen jarraituko duela
Udazkeneko azken saioan baino lan eskaintza urriagoa bazen ere, udaberriko XXXI. Enpleguaren Astean eskualdeko 40 enpresek zerbitzuak, industria eta eraikuntza arloko 131 lanpostu betetzeko lan elkarrizketak egin dituzte Ficoban.
Dirudienez punkaren epidemia lurreko bazter gehientsuetara iritsi da eta Bolivia ez da gutxiago, saioa hontan Boliviako punkaren historiari buruz arituko gara eta bertako hainbat talde entzunen ditugu
Orreaga Filmak ekoitzitako “Hondarribiko Gorria: Jesus Carrera” dokumentala maiatzaren 31n estreinatuko dute alderdi komunistako Idazkari Nagusi izatera iritsi zenaren jaioterrian. Hondarribiko Itsas Etxea auditoriumean egingo dute lehen proiekzioa arratsaldeko 19:00etan, eta dagoeneko 70 bat sarrera besterik ez dira geratzen. Aitor Baztarrika zuzendaria eta ikerketa eta aholkularitza historikoa eman duen Aitzol Arroyo izan ditugu Goizeko Kafean gonbidatu.
Asobal Plenitude Liga asteburu honetan Cuencan amaituko du C.D. Bidasoak, eta maiatzaren 31n Errege Kopan lehiatu beharko du oraindik. Baina etxeko lanak eginak dituela eta txapeldunorde izendatuta EHF Europa Ligarako txartela eskuratu ondotik harrera egin zion Udal Korporazioak atzo.
Joan den urtean 12 izan ziren parte hartu zuten herriko ostalariak. XV. edizio honetan, aldiz, zazpi ostatu-jatetxek baizik ez dira animatu Iberiar Penintsulan Erdi Aroan eskura zeuden osagaiekin egindako pintxoen aparteko lehiaketa honetan.
Errepresio eta bazterkutzatik ahalduntze bidera
Kemen dantza taldeak “Hondarribia Dantzan” jaialdia antolatu du maiatzaren 23tik 26ra. Joan den urtean bertan behera utzi behar izan zuten ekitaldia, baina indarberriturik dator aurtengo edizioa, eta igandean Dantzari Txiki Eguna ospatuko dute kalez-kale Irun, Hendaia, Hondarribia, Oñati eta Galdakaoko dantzariekin batera.
Maiatzaren 25ean Kirol Kaian ospatuko den Itsasoratu jardunaldia itsas kirol eta aisialdi eskaintzak Hondarribian azken urteotan bizi izan duen loraldiaren lekuko da. Baina erreklamu turistikoaren itzalpean sortu den sektore ekonomiko honen aukera zabala sozializatzeko helburua du aurtengo edizioak, aurreiritziak baztertu eta bidasotar ororen esku dagoen aisialdia dela frogatu nahi baitute parte hartuko duten 14 enpresek eta elkarteek.
Txingudi Ikastolako Guraso Elkarteak ekainaren 1ean antolatu duen AstoKK Bingo solidarioak ez du Irungo Udalaren sustengu ekonomiko eskaxa ordezkatuko. Halere, eskertuta dago Euskal Jira elkartea, «ekarpen ekonomikoagatik baino, haiekin gogoratu eta hezkuntza komunitatean ere Irungo baserriak balioan» jarriko dituen ekimena delako.
Ekainaren 16an Tortilla Irundarraren aurreneko lehiaketa antolatuko du Alde Zaharra auzo elkarteak San Juan plazan. 1910eko lehen erreferentziak dituen tradizio handiko bertako errezeta lehen planora ekarri nahi dute.
Maiatzaren 25ean 18:00etan Kandido Saseta plazan berriro ere elkartu, eta hilaren 11n erdixka utzi behar izan zuten Muliateko horma irudia auzolanean amaitzeko deialdia egin du artista hondarribitarrak.
Recicla Birziklatu elkarteak ‘Colillaton’ ekimena antolatu du ekainaren 1ean Irunen, SurfRider Fundazioarekin elkarlanean. Tabakorik Gabeko Munduko Eguna dela probestuko dute, San Juan plazatik abiatuta eta ordubetez ahal bezainbat zigarro hondakin auzolanean bildu eta kontzientzia pizteko.
Lehen edizioa da aurtengo eta iragarri bezain laster agortu dira goizerako sarrerak. Urduri eta pozik daude antolatzaileak. Arratsaldeko lekuak badira oraindik ere, www.zestafesta.eus atarian dago informazio guztia.