Ekainaren 22an hendaiarren iritziak bildu eta 2026 herriko bozetarako lehentasunak zehazteko topaketa antolatu dute Ondarraitzen. Eztabaida bideratu eta landu beharreko bide-orria markatzeaz gain, talde abertzaleak dituen erronka nagusiak ere partekatuko dituzte bilera ideki honetan.
Oporrak Bakean programa suspertzea lortu dutelako pozik azaldu da Tadamun elkartea, baina arduratuta daude Aljeriako errefuxatu kanpalekuetan «muturreko egoera» bizi dutelako.
Atzo Jasangarritasun Batzordeko bileran udal ordenantza egiteko kanpaina eta metodologia aurkeztu dituzte, eta herritarrak informatzeko Irun Taupaka kanpaina egiteaz gain, diagnostikoa osatzeko kaleko inkestak egingo dituzte ekainaren 10etik 26ra, eta irundarrek online ere ekarpenak egiteko aukera izango dute www.irun.eus atarian.
Uda honetan 14 haur saharar etorriko dira Bidasoaldera ‘Oporrak Bakean’ pasatzera. Programa suspertzea lortu dutelako pozik azaldu da Tadamum elkartea, baina arduratuta daude Aljeriako errefuxatu kanpalekuetan «muturreko egoera» bizi dutelako. Haurren erdia desnutrizio egoeran dago, eta helduetan anemia kasuak ugaritzen doazen bitartean, Munduko Elikagai Programak bideratzen duen janari-saskia %30 murriztu die.
2023tik musika elkarteko 19 taldek grabaturiko diskoa aurkeztuko dute 30. urteurrena borobiltzeko helburuarekin. 'PTP Jaia' larunbatean 17:30ean hasiko da, sarrera borondatezkoa izanik, eta 12 talde ariko dira 2 eszenatokitan 7 orduko musika geldigaitza eskaini eta aparteko giroa sortzeko asmoz.
Ama lurrarekiko ardura elikatzen bi hamarkada daraman Bioterra azokak 130 erakusketari eta 50 dibulgazio jarduera baino gehiago proposatuko ditu ekainaren 7tik 9ra. “Konpromiso ekologikoa” lelopean aurtengo edizioan ozeano eta itsas hondakinen arazoak, mugikortasun jasangarriak eta jantzigintza ekologikoak izango dute pisu gehien.
Irungo supermerkatuan ELAko ordezkari sindikala kaleratu zuten joan den astean. 46 urteko langile honen kaleratzea «legez kanpokoa» delakoan, epaitegietara joko du sindikatuak, eta elgarretaratzea deitu dute ekainak 6an, ostegunean, 11:00etan Arasoko supermerkatuaren aurrean.
Ingurumenaren Munduko Egunarekin bat eginez, Txingudi Ekoetxeak, Recicla-Birziklatu eta Ekopatruilak Irun lankidetzan Meaka auzoko Ibarlako eremuan hondakin bilketa antolatu dute larunbatean, goizeko 10:00etan. Iaz Jaitzubian 1.000tik gora kilo zabor jaso eta gero, aurten “Gure lurrak. Gure etorkizuna” lelopean, natur eremuen kutsaduran gizakiok dugun arduraz sentsibilizatu eta eraldaketa ekosoziala sustatu nahi dute.
Euskal Herri osotik baita espainiar estatutik ere etorritako laborariek 24 orduko blokeoa hasi dute. Energia, inportazioak, gazteen lan mundurako sarrera eta diru laguntzak dituzte besteak beste jomugan.
AstoKKBingo solidarioa antolatu dute ekainaren 1ean ospatu duten urteko Txingudi Ikastolako Jaialdian, eta ekimenarekin bildutako dirua Irungo Euskal Jira laguntzeko bideratuko dute. Irungo baserritarrek eta nekazal lurrek merezi duten babesa eta arreta aldarrikatzearekin batera, ehunka familia bildu ziren egun osoko festaz gozatu eta hezkuntza komunitatea euskaraz eta elkarlanetik sendotzen jarraitzeko.