Adierazi nahi dizuegu GURE ESKU DAGOk bat egiten duela IRUNGO HARRERA SAREAK URTARRILAREN 26RAKO ANTOLATU DUEN MANIFESTAZIOAREKIN, eta ondorioz denei bertan parte hartzera animatu nahi zaituztegu.

Erabakitzeko eskubideaz hitz egiten dugunean horrelako gaietaz ere ari gara. Izugarrizkoa da migrante eta errefuxiatuekin bizitzen ari garen drama. Guzti honen inguruan ere erabaki nahi dugu. Elkartasuna eta babesa balore gisa dituen herria izan nahi dugu. Horregatik irundar askok osatu duten Harrera Sarearekin erabat identifikatuta sentitzen gara eta manifestazio honen deialdia gurea ere egiten dugu. Bertan izango gara.