Irungo Harrera Sarearen interneteko domeinu berria https://www.irungoharrerasarea.eus/ da. https://euskalherriaharreraherria.info/ domeinu zaharrak funtzionatzen jarraituko du domeinu berrira birbideratuz.

Azken egunotan gezurrezko mugen irekitzea eta berriro ixtearen ondotik, zera adierazi nahi dugu. Mugen itxierak eta etengebeko kanporaketa eta kontrol arrazistek giza eskubideak, migranteen eskubideak, estatuek sinatutako itunak, urratzen dituzte. Hildakoak eragiten dituzte.

Urtero bezala Irungo Harrera Sarearen egutegia salgai dago. Aurten beste produktu batzuekin batera erosi ahal izango da, hala nola poltsa eta/edo jertsea. Goizetan erosi ahal izango dira San Juan plazan.

Iaz bezala, Lesakako Beti Gazte elkartearen Joskintza Tailerrak joskera solidarioa egin du, eta Irungo Harrera Sarearekin elkarlanean aritu dira. Oraingoan, Irungo Harrera Sareak emandako oihalekin apaindu dituzte poltsak.

Irungo Harrera Sarea.- Irunen, 2022ko irailaren 29a. Azken egunetan Irun eta Hendaia arteko kontrol poliziala gogortu egin dela-eta eta migrazioa segitzeko bide ez seguruak hartzeko baldintzak gauzatzen ari direla salatu nahi dugu. Aldi berean, Hego Euskal Herrian Gurutze Gorriaren baliabidea ahalik eta azkarren uzteko presioak bere horretan jarraitzen du, lehenagotik salatu izan dugun bezala.

Astelehen honetan, hilak 26, Irundik autobus bat abiatuko da Bruselarako martxarekin bat egiteko. Bai Europako zein migratzaileen jatorrizko herrialdeetako 150 erakundek baino gehiagok Bruselara martxa bat antolatu dute Eskubideak! Heriotzarik ez! lelopean. Mugetan giza eskubideen nazioarteko zuzenbidea betetzea eta Europan bizi eta lan egiten duten pertsonen erregularizazio administratiboa eskatzen dute.