Abotsanitz.- 8 urte daramagu Hondarribiko udalean lanean eta denbora honetan egindako lana balioan jarri eta jarraipena eman nahi diogu. Herritar, eragile zein auzo-elkarteekin izandako harreman estuak Hondarribiak dituen arazo eta gabeziak ezagutzeko balio izan digu; batez ere azpimarratzekoak dira bertan bizitzeko zailtasuna eta udalaren babes falta (esparru askotan…).

Udala da herritarrengandik gertuen dagoen administrazioa. Izaera horrek behartu beharko luke herritarrengana hurbiltzera eta harekiko harremanak errazak egitera. Baina gure esperientziak esaten digu Hondarribitarrek ez dutela horrela sentitzen. Ereduak badaude, ondoko hirietan erreparatzea besterik ez dago.

Bihotza falta zaion egitura batean bihurtu da udala, debate politikorik gabekoa, hobetzeko proposamenak egiteko espazioak itxi dituena. Bakar batzuen mesedetan zentratua, legearen minimoak betetzen eta herritarren ongizateaz ahaztu dena. Urte luzeetako inertzien ondorioak sakonak dira. Egoera irauli behar da, udala modernizatu, egitura eguneratu eta sendotu. Gure programan egoera hau iraultzeko giltzak proposatuko ditugu, honela labur ditzazkegu:

Hondarribian bizi ahal izateko giltzak

Hiri-eredua mahai gainean jarri eta babestutako etxebizitza lehenetsi, mugikortasun jasangarriaren hausnarketa eta pedagogia egin, lan sektoreen arteko oreka bilatu 1.eta 2 sektorea indartuz.

Gizarte kohesiorako giltza

Gizarte zerbitzuen indartu, BAZ eredu berri bat eraiki gestio guztiak leku berean eta erraztasunez egin ahal izateko, Berdintasun saila sortu eta Teknikaria kontratu.

Herri nortasuna sendotzeko giltza

Gure Nortasuna gure ondareek definitzen dute: Euskarak, natur-baliabideek, arkitekturak, historiak, arte eta literaturak, sinesmenek, baloreek eta elkar-bizitzak osatzen dute. Hauek babestu eta sustatzeko lan egingo dugu.

Herritarren osasuna bermatzeko giltza

Hondarribiko anbulatorioan espezialitate berriak jartzeko eskatuko dugu eta osasun-sistema duin bat aldarrikatuko dugu, Kirola egiteko ditugun instalazioen kudeaketaren gaineko debatea mahai gainean jarriko dugu eta prebentzio komunitario eguneratu baten alde lan egingo dugu.

Herritarrak asetuko dituen kudeaketarako giltza

Herritarren borondatea aintzat hartuko dituen aurrekontu erreal eta partehartzaileak eraiki behar dira. Aurrekontuak betetzeko daude eta horretarako, udal baliabideak modu egokian erabiliko direla bermatu eta udalaren egitura eta lanpostuen egitura modernizatu behar dira.

Alardearen gatazka desblokeatzeko giltza

Alardearen izaera publikoa aldarrikatzen dugu eta orain arte gure lanketaren oinarriak izan direnei eutsiko diegu: zubiak eraikiz, elkarrizketa sustatuz, gatazkaren kudeaketa emozionalean sakontzen eta herria berriz kohesionatzen.

Baina proposamen hau aurrera eramateko benetako giltzak pertsonak dira. Lanean jarraitzeko eta proiektua aurrera eramateko indarra gaur aurkezten dugun talde honek ematen digu. Hau osatzeko orduan kontutan hartu diren irizpide nagusiak aurrez aipatutako giltzekin lotuta daude, horrek borobiltzen baitu proiektua.

Taldea parekidea da, 14 emakume eta 13 gizonek osatzen dute eta adin tarte anitza ordezkatzen dute. Herriko talde , eragile eta auzoetako ordezkaritza lortu da: Emeki, Psilocybe eta Aiza kultur elkartea bezalako erakundeko kideak ditugu.

Kirolariak ditugu taldean arraunean, futbolean eta eskaladan ibilitakoak.

Arrantzale auzoa, Mendelu, Amute, Alde zaharra, Portua eta Erdiguneko auzokideak ditugu.

Arrantza sektorean lanean eta arrantzaren ondarearen defentsan dabiltzan kideak ditugu.

Sektore feminizatuetan langileen eskubideen defentsan lan sindikal garrantzitsua egindako kideak ditugu. Osasun-sisteman lanean diharduten profesionalak eta Osasun Bidasoa plataformako kideak ditugu; Hezkuntza-sistemako irakasle eta pedagogoak ditugu.

Enpresa publiko zein pribatutako langileak ditugu, kudeaketan esperientziadunak.

Hondarribiko udaleko dinamika politikoan aritua, administrazio-kudeaketan esperientziaduna, ikuspegi sozial sendokoa da eta Hondarribia sakon ezagutzen duen taldea da eta Harrotasunez aurkezten dugu:

1. ENPARAN ARANETA, IGOR
2. URTIZBEREA SORZABAL, ESTITXU
3. QUEIRUGA ORONOZ, GUADALUPE
4. ARROYO TUMAS, AITZOL
5. PEÑA ALZA, JOSU
6. SASTRE CASTILLO, TAMARA YAOSKA
7. ALONSO MURELAGA, ORTZI
8. PEREZ ANCISAR, AINHOA
9. DE LA LINDE GARCIA, IKER
10. AMUNARRIZ AMUNARRIZ , MARIA ARANZAZU
11. BOLAÑOS REYERO , Mª JESUS
12. ALCARAZ FRANGANILLO, EGOITZ
13. CARRERA QUEIRUGA , ANE
14. ETXABE ITURZAETA, JOSE ANGEL
15. RUBIO ALKAIN, ESTIBALIZ
16. GUTIERREZ ECHEVERRIA , M. ASUNCIÓN
17. ALKAIN GOÑI , MIKEL
18. ERRASTI JAUREGUI, MAYI
19. ZABALETA RUEDA, AINHOA
20. CORNEJO REYES , JUAN ANTONIO
21. EIZAGUIRRE EGUIGUREN , IZASKUN
22. LABAYEN ZAPIRAIN, IBAI
23. PEREZ ALDASORO, PIO
24. ALZA ALBISTUR, KRISTINA
25. ORTIZ ARMENDARIZ , JUAN
26. AGUIRRE ARTOLA, XABIER
27. LARRARTE CAMPANDEGUI , MARIA JESUS
    
    

Zuek zarete giltza!