Abotsanitz.- Maiatzean udal eta foru hauteskundeak ospatuko dira eta Abotsanitz berriz aurkeztuko da, herri batzarrak aho batez horrela erabakita.

Hitzordu honi ekiteko orain arte egindako lana ezagutarazi eta osatutako proposamena bozkatzera eramateko helburuarekin batzarra ospatuko dugu.

Datorren ostegunean, Otsailaren 9an Kultur etxeko 103.gelan Herri batzarra egingo dugu arratsaldeko 19:00tan. Beste gai batzuk ere jorratuko dien arren, batzarraren ildo nagusia, esan bezala, hauteskundeak izango dira; alde batetik, aurkeztuko den programaren ildo nagusiak eta bestetik, hautagaien zerrenda aurkeztu eta bozkatuko dira.