Otsailaren 12 goizeko 11:00tan eskualdeko herrien arteko olinpiadak Oreretan, animatu eta sortu dezagun Bidasoako taldea!!! Izena emateko Leize (Hondarribi) eta Hazia (Irun).
Duela gutxi jakin berri dugu Jaurlaritzako Enplegu eta Politika Sozialen ahokulari den Beatriz Artozabalen ahotik, Diru Sarrerak Bermatzeko Errenta (gaztelaniazko RGI) murriztu egingo dutela. Ez omen da murrizketa, prestazioaren zenbatekoa zehazteko erreferentziaren aldaketa baino. Lanbidearteko Gutxieneko Soldata izan beharrean, Kontsumoko Prezioen Indizea izatea planteatzen dute. Baina mozorrotutako murrizketa bat da, izan ere, Lanbidearteko Gutxieneko Soldatari lotuta, honen aurtengo %8ko igoera aplikatu beharko liokete eta. Aldaketarekin, ordea, %1,5. Askoz gutxiago. Prestazioa behar dugun guztioi lapurreta bat da, finean.
Datorren Otsailaren 4ean arratsaldeko 17:30tan ZIRTAKA PONENTZIAREN eztabaida gauzatuko dugu Irungo Hazia Kultur Elkartean. Independentzia, Sozialismoa eta Feminismoaren baitan kokatzen den gazte oro dago gonbidatua eztabaidan parte hartzera, denon iritziaz gazte estrategia finkatu eta gazteon borrokaz garaipena!!! ANIMATU ZAITEZ!!!
Asko dago eztabaidatzeko, hausnartzeko, birpentsatzeko eta sortzeko. Euskal estatu sozialista eta feminista helburu, gazteok eztabaidatzera, lanera eta irabaztera!
Azken lau urteotan egindako lanaz hausnartu, bidea birpentsatu eta etorkizuneko urratsak zehazteko jarri genuen martxan urrian Inurritegia Kongresu prozesua, gazte estrategia berregokitu eta antolakundea indartzeko asmoz. Herri eta auzoetan prozesuaren aurkezpenak egin ondoren, ponentzia irakurri, bozkatu eta eztabaidatzeko fasea ireki dugu.
Ernai eta Aitzina gazte antolakundeek elkarrekin antolatu dute ekimena, "Sugarren dantzan independentziara!" lelopean. Martxa eta topagunearen arteko nahasketa bat izango dela iragarri dute.
Abenduak 6 ez dugu ezer ospatzeko, errespetatu herriaren hitza!!
Espainiak ezarritako mugak ezereza dira guretzat.
Trebiño Araba da, Euskal Herria da!
#EzerEzOspatzeko
