Abenduak 6 ez dugu ezer ospatzeko, errespetatu herriaren hitza!!
Espainiak ezarritako mugak ezereza dira guretzat.
Trebiño Araba da, Euskal Herria da!
#EzerEzOspatzeko
Feminizidioa emakumeon aurkako indarkeriaren alderik bortitzena da, izebergaren punta, alegia. Feminizidioak emakume eta gizonen arteko desoreka estrukturalean du oinarria, eta gizonek indarkeria matxistaren bidez sistemak elikatzen duen emakumeen aurkako diskriminazio eta jazarpena erreproduzitzen dute. Marcela Lagarde feminista mexikarrak Ciudad Juarez-eko emakumeen desagerpen eta erailketa masiboak salatzeko erabili zuen feminizidio terminoa lehen aldiz eta geroztik emakumeon aurkako indarkeria oro barnebiltzeko erabili eta zabaltzen ari da. Hitzaren edukia, baina, tamalez emakumeon eguneroko ogi izan da patriarkatuaren hastapenetatik.
Gizartearen funtsa ulertzeko, gizon eta emakumeen arteko harremanak ulertu behar direla esan zuen behin Angela Davisek. Esaldi horri tiraka, ezinbestekoa da gaurko egunean azaleko irakurketetatik atera eta putzu sakon eta beltzean igeri egitea. Azaroak 25, emakumeonganako indarkeriaren aurkako eguna dugu, egun bat gehiago, patriarkatuak egunero-egunero zapaltzen baikaitu.
Datorren Azaroaren 25ean arratsaldeko 19:00tan erreportai emanaldia izango dugu ERNAI eta GAZTE XAIAren eskutik, "MAITASUN ERROMANTIKOA BOTERE HARREMANEN EUSKARRI?" izenburupean.
Jarraian eztabaidatzeko aukera izango dugu erreportaiak azaleratu ditzazkeen galderen inguruan, hau guztia merienda goxo-goxoaz lagundurik.
SENTITU, PENTSATU TA EKIN!!!
Beste behin ere, amorrua berdez margotu da Euskal Herrian. Gatazka politikoaren errealitate gordinak patrol eta gizon armatuen aurpegia hartu du. Altsasuko herria eta bereziki bertako gazteria duela asteetatik jo puntuan egon da. Gaur muntaia polizial eta mediatikoak jarri du bere domina. Atxiloketak, albistegietako titularrak eta garailearen titulua.
Duela aste batzuetatik Ernai Gazte Antolakundeko Facebook orrialdea blokeatu du Facebook enpresak. Blokeoaren zergatia, ekainak 28 sexu askapenerako egunaren harira ateratako kartel batzuengatik omen da. Asteetan blokeoa konpontzeko gestioak egiten ibili baldin bagara ere, ez dugu inolako erantzunik jaso. Horregatik, zentsurak zentsura, beste orrialde berri bat sortzea erabaki dugu.
Txinaurri lana da gure borrokaren esentzia, zentzua, izana. Egunez egun, umiltasun osoz, kolektiboki, aktiboki, errebeldiaz. Txinaurri lana da gure oraina eta etorkizuna eraikitzeko arma.
