Urtarrilean aurkeztu genituen 2016ko brigadak. Orduan genion balio politiko erantsi bat zuela aurtengo edizioak, Askapena, Askapeña, Herriok Harro eta auziperatuen aurkako epaiketa politikoa baikenuen hortzimugan. Ez ginela geldirik geratuko esan genuen eta halaxe egin dugu.
Lakaxitatik, urria feminista bizitzeko proposamenarekin gatoz berriz!
Kasu honetan, "Maitasun deserosoak. Gizonen hausnarketak eta bizipenak amodioaz" tailerraz gozatzeko aukera edukiko dugu Jaime Altuna antropologoarekin. Bertan, parekidetasunaren ikuspegitik, maitasuna eraikitzeko eta bizitzeko moduez solastuko dugu, eta bereziki hau gizonen ikuspegitik nola ematen den.
Asteartean, urriak 18, kontzertu akustikoa bikoitza izango dugu Irungo Lakaxitan. Stef Ketteringham musikari ingelesa nazioarteko bira betean murgilduta dago, eta geldialdia egingo du Irunen, bere bakarkako lehen diskoa aurkezteko. Shield Your Eyes taldeko gitarjole eta abeslaria Frantzian barrena ibili ondoren Euskal Herrira iritsiko da, eta hau izango da haren lehen emanaldia. 20etan hasiko da kontzertua Physis versus Nomosek talde donostiarrarekin, ondoren pikatzeko zerbait eskainiko du Lakaxitak, eta 21:30ean joko du Stef Ketteringhamek. Kontzertua doakoa izango da.
Irunabar.- Datorren larunbatean izango da, urriak 22an, arratsaldeko 18:00etatik aurrera, Irungo Udal Kontserbatorioan: JOXE MARI LOPETEGIREN ITURRITIK BERTSOTAN emanaldi musikatua.
GUGEU programaren bosgarren edizioa martxan jarri dute Irungo, Hondarribiko eta Hendaiako Udalek, Bidasoa-Txingudi Mugaz Gaindiko Partzuergoaren bidez, eta Mugi Hadi Mondragon Unibertsitateko ikasleen elkartearekin elkarlanean. Euskararen, frantsesaren eta gaztelaniaren erabilera sustatzen da bertan, elkarrizketa taldeen eta parte hartzaileek bultzatutako jardueren bidez.
Orain dela 5 urte baino gehiagotik Irungo Argoiak Kultur Elkarteak asteazkenero bere ateak irekitzen ditu, pertsona eta talde ezberdinei emakumearekin erlazionatutako aktibitate ezberdinak antolatzeko aukera emanez, konferentzia txiki, ipuin kontaketa, musika ekitaldi zein beste batzuk.
Federico García Lorca hil zuten 80. urtemuga dela eta, “Nicolás Guerendiain” Irungo Elkarte Errepublikarra hainbat ekitaldi eginten ari da urrian zehar. Olerkariari omenaldi bat egitea eta bere obra ezagutzera ematea da xedea.
Larunbata, urriaren 15a, 19:30a: "Mariana Pineda" obraren antzestutako irakurketa.
Kaixo!! Gaurkoan urriak 12 hispanitatearen eguna izanda Ezker Gantxoa lanera!! Jai egun arrotzei intsumisioa!! Kurtsoko lehen irratsaioa indartsu datorkigu, aurreneko elkarrizketan Amaia izan dugu, bera Ikasle Abertzaleak Urriak 12an antolaturiko herri eskolen inguruan mintzatu zaigu, baita IAk etorkizunean izango dituen erronketaz.
Larunbata honetan-urriak 15a- konzentrazio bat egingo da erraustegiaren aurka, "Zuen negozioa guztion minbizia eta ruina" lelopean.
Hitzordua eguerdiko 12etan Diputazio aurrean eta handik kalejiran Abenidako banketxera joango gara-12'30etan-.
Helburua, errausgailua finanziatu nahi duten banketxeak (Santander eta Caixa) salatzea da.
Ahal Dugu-ren Gizarte Zibilarekiko Harremanetarako idazkari eta diputatu nazional Rafa Mayoralek, Ahal Dugu-ren fundatzaileetako Juan Carlos Monederok eta Pilar Garrido senatariak parte hartuko dute datorren asteazkenean, Irunen, “Vamos!” herritarren partaidetzarako ekimena egingo den ekintza publiko batean.