250 pertsonatik gora elkartu ziren atzo Donibane Lohizuneko Luis XIV.a plazan, Ipar Euskal Herriko elkarte feministek deiturik. Eta beste 100 lagun inguru Irungo San Juan plazan, M8 Asanblada Feministak eta Irungo Udalak deitu, eta Gipuzkoako Foru Aldundiak babestutako elgarreratzean ere.

Bidasoa Atletiko Taldeko Ohorezko Lehen Mailako nesken taldeak (BATGirls gisa ezagunak) mailari eusteko helburua lortu du joan den asteburuan. Are gehiago, historia egin du Ligan, bere multzoko bigarrena izan baita, eta estatu mailako sailkapen orokorreko zortzigarren postuan kokatu da. Horrenbestez, aurreneko aldiz bere historian, nazio mailako tituluaren borrokan lehiatuko dira hirugarren eta azken topaketan. 

Aranzadi Zientzia Elkarteko herpetologo honek hiru urte eman ditu Aiako Harrian, gure inguruan bertan bakarrik topa dezakegun suge berde-horiaren populazioa ikertzen. 2020ean #sugebizi proiektua abiatu zutenetik, Aranzadik herritarren begiak ditu Euskal Herri osoan sugeen beha eta zaintzeko prest. Narrasti hauen ospe txarra uxatu nahian, «zientzia eta konzientzia sortzeko» lanean ari dira biodibertsitatearen kate-begi garrantzitsuak direlako.

Gipuzkako Foru Aldundiak aurten Hondarribian proposatu dituen Treba Gurasoak saioek arrakasta lortu dute. Pandemiaz geroztik, emendatu diren gazte-nerabeen arazo mentalak eta emozionalak gurasotasun positibotik prebenitzeko hitzaldia 17:30an izango da asteazken honetan.

Gobernu Taldeari martxoaren 13ko «epaia izkutatu eta gardentasun  falta» leporatu zion EAJk maiatzaren 2an. Baina alkateak apirilan Gabarrariko bizilagunekin eta jabeekin hauek informatzeko bilera bana izan zuela oroitarazi du Igor Enparanek. Jeltzaleek ia bi aste lehenagotik gobernuaren partetik jasotako informazioa Udalaren jarduna baldintzatzeko erabili izana, eta «bidean modu bortitzean gurutzatu» direla leporatu die alkateak.  

Azken Portuko trafiko handiko guneaz gain, gainerakoak Irungo Udalak aurreikusten duen 'Isuri Apaleko Eremua'n kokatu dituzte nitrogeno dioxidoa, PM10 partikulak, PM2,5 partikulak, karbono monoxidoa, sufre dioxidoa eta ozonoa etengabe neurtzeko. Sonometro bat ere badute, hiriko zarata neurtzeko. 

Donibane Lohitzuneko hotel batean hiltzaileak aitortu duen «krimen bortitza» eman den asteburu berean, emakume bat sexu eraso baten biktima izan da Irungo Plaiaundi natur parkean txakurra paseatzen ari zela. Elgarretaratze deialdi zabalak egin dituzte mugimendu feministek eta erakunde publikoek gaur 19:00etan, Donibane Lohitzuneko Louix XIV eta Irungo San Juan plazan. 

Tren geltoki zaharretik metro gutxira beti izkutuan egon den Gaztainondo kalea oinezkoentzat pasabide izan dadin, 880.000 euroko inbertsioa egin du Irungo Udalak. Altuera kota handia salbatzen duen igogailuak, LED argiteri berriak, eskailera zabalagoak, eta ferrokarrilaren historia gogoan duen mural batek osatzen dute proiektua.