Etxera!.- Oraindik euskal preso politiko guztiak Euskal Herriko espetxeetan ez badaude ere, ukaezina da dagoeneko errealitate berri baten aurrean gaudela. Eta Irun errealitate horren parte da, Aitor, Fermo eta Iratxe Zaballako espetxean baitaude eta Bera Martunenekoan hirugarren graduan.
Gaur Iratxe Sorzabal Díaz Irungo preso politikoa Espainiaratu dute Frantzian zigorra bete ostean. Goizeko 9etan Reauko (Frantzia) espetxetik atera eta arratsaldeko bostak aldera Madrilgo Erkidegoko Estremera espetxera iritsi da.
Sare Irun.- Francisco Jose Ramada Estevez Irungo presoa herenegun goizean ospitaleratu zuten Donostia Ospitaleko Zainketa Intentsiboetako Unitatean, bihotzekoak jo eta lurrera erori ondoren Martuteneko patioan. Badirudi atzo plantara jeitsi eta egoera egonkortu dela.
Sortu Irun.- Euskal preso politikoak gatazka politiko historikoaren ondorio dira. Herri ukatu baten historia da gurea, behin eta berriz herri gisa desagerrarazteko egon diren asmo eta estrategiei aurre egin behar izan diena. Konfrontazio horren baitan, azken hamarkadetan milaka pertsona izan dira arrazoi politikoengatik espetxeratuak Euskal Herrian.
Euskal Herriko espetxe batean zigorra betetzen ari den Irungo preso politiko bakarra Francisco Jose Ramada da. Uztailetik dago Iruñeko espetxean eta atzo Espainiako Espetxe Erakundeek iragarri zuenez, Martuteneko kartzelara eramango dute.
Berak, irailaren 10ean, zigorraren 3/4ak bete zituen eta, beraz, baldintzapeko askatasunarekin kalean egon beharko luke.
Bidasoako Sare.- Larunbata bidasoakoa Sarek antolatutako ekimenaren berri eman nahi dizuegu. Goizeko 10etan San Martzial ermitara abiatu ginen Urdanibia plazatik. Aldabe mendian, San Martzial ermitaren magalean. Azkenik zabaltza plazan mosaikoa osatu dugu. Gatazkaren ondorioak eta presoen afera konpontzeko garai da behingoz.
Ostiralean Espainiako Espetxe Erakundeek jakinarazi zutenez, Aitor Olaizola preso politiko irundarra Palentziako espetxera hurbilduko dute, Euskal Herritik 310 kilometrora dagoen espetxera, hain zuzen ere. Gaur egun, Aitor 660 km-ra dago Caceresko espetxean. Aitor 2001eko martxoaren 25ean atxilotu zuten, eta 19 urte baino gehiago daramatza kartzelan.
