Badator aurtengo hirugarren Kabigorriko bertso-gaua ere, ikasturteko seigarrena. Martxoaren 5an izango da 19:30ean hasita. Bertan ariko dira kantuan Nahikari Gabilondo zarauztarra, Aitor Sarriegi beasaindarra, Iñigo Ugarte irundarra eta Ane Zuazubiskar arrasatearra. Saioaren gidaritza Gotzon Aizpiolea irudarraren esku egongo da. Hilero legez, saioaren aurretik bertso jarriak izango ditugu, honakoan Xabier Isasi hondarribiarraren bitartez.

Badator aurtengo bigarren Kabigorriko bertso gaua ere, ikasturteko bosgarrena. Otsailaren 6an izango da 19:30ean hasita.

Bertan ariko dira kantuan Abel Zabala irundarra, Jokin Bergara eibartarra, Maider Arregi oñatiarra eta Iñigo Mantzizidor "Mantxi" zarauztarra. Saioaren gidaritza Iñigo Ugarte irudarraren esku egongo da. Hilero legez, saioaren aurretik bertso jarriak izango ditugu, honakoan Garbiñe Beraetxe hendaiarraren bitartez.

Parean Elkartea.- Gure herriaren historia bere biztanleen joan etorriek marrazten dute. Aduana, trenaren etorrera edota baserritar gune batetik gaur egun den Irun hiriaren eraikuntzak gure oraina eta geroa baldintzatu dute. Aitortu eta kontatutako historia da hau. Haatik, gure lehen egunetan goxatzen gaituzten eskuak eta azken egunetan eusten gaituztenak itzalean geratzen diren pasarteak dira belaunaldiz belaunaldi kontatzen den Historia horretan.

Oparoa joan da 2019a: antolatu ditugu bertso-saioak, proiektu berriak sortu ditugu eta lehendik zetozenei ere erantzun diegu. Ondorengo loturan topa dezakezue 2019ak emandakoaren bildumatxo bat:
https://irunabar.wordpress.com/2019/12/31/2019a-oparo-joan-da/

2020. urtea ere amaitu berri dena bezain emankorra izan dadila nahi dugu, ordea, eta honek etenik ez duenez, gabonetako atsedenaldiaren ondoren ate-joka dugu Kabigorriko urtarrileko bertso-gaua. Hilaren 9an izango da, eta ohi bezala, 19:30ean emango zaio hasiera bertso gauari.

Urte amaiera gerturatzen ari den honetan, badator abenduko Kabigorriko bertso gaua ere. Oraingo honetan, ordea, hilabeteko lehen ostegunean izan ordez bigarrenean izango da: abenduaren 12an, 19:30ean.

Badoa ikasturtea aurrera eta badator bigarren Kabigorriko bertso gaua ere. Azaroaren 7an izango da 19:30ean hasita.
Bertan ariko dira kantuan Miren Artetxe eta Egoitz Zelaia hendaiarrak, Oihana Bartra bilbotarra eta Julen Zulaika zarauztarra. Saioaren gidaritza Oinatz Mitxelena irundarrarena izango da. Hilero legez, saioaren aurretik bertso jarriak izango ditugu, honakoan Iker Altuna hendaiarraren bitartez.

Kaixo bertsozale:

Hasi dugu, dagoeneko, 2019-2020 ikasturtea eta Kabigorriko bertso-gauak ere hemen dira.

Zazpigarren ikasturtea izango da aurtengoa eta ohiko egitura mantenduko dugu aurten ere.