Lur-Alai Squash Kluba.- Oraindik zuen izena ez dakigun arren, Irundarron ongizatearen alde, fede onez ekingo duzuela sinisten dugu. Zentzu honetan, urte gehiegiz luzatu den Artalekuko zaharberritzea eta bertako erabiltzaileek (klub, abonatu eta eguneko erabiltzaileak) dauzkaten espazio eta bestelako arazoak sortzen dizkien gatazkari behin betiko erantzun bat emateko asmoa izango duzuela sinistu nahi dugu.
Langile batzordea.- Aurreko azaroak 7an Samyl enpresarekin (Irungo udaletxearen egoitzak garbitzen dituenarekin) negoziaketa bilera genuen. Gure proposamena urrun omen zegoen , bilerara ez bertaratzea erabaki zuen eta kontraproposamena bidaliko zigutela esan.
Langileen Komitea.- Udaletxeko eraikinen garbiketa egiten dugun azpikontratako langileak nazkatuta gaude. Hilabeteak daramatzagu benetako negoziaketa bat bilatzen, baina alderdi guztiek entzungor egiten dute.
Antxeta Irratia.- Azken Portutik Behobiara, Artia auzoa egunero trebeskatzen duten 25.000 ibilgailuek eragiten duten kutsadura, harrabotsa eta arriskua kontuan hartuta, Artiako Lagunak taldeak «beste auzoetan duten eskubide berbera» aldarrikatu du azken hilabeteotan auzotarrentzat. Hori dela eta, abenduko udalbatzan beste bederatzi kolektiborekin batera, Juan Thalamas Labandibar kalea (N-1 zena) 30 eremu bilakatzeko mozioa aurkeztuko dute. Herri ekimenez egingo dute.
Irungo harrera Sarea.- Frantziako estatuak, batez ere IRUN-HENDAIAko mugan, migrazio-kontrolak berritzea eta zirkulazio-puntu erregularrak gero eta gehiago gogortu eta zaindu izanak, antsietatea, etsipena eta estresa sortzea eragiten ari dira migratzaileengan, eta, horren ondorioz, beste behin beren bizitzak arriskatu behar dituzten ibilbideetatik bidaia jarraitzera behartzen ditu.
