Marmoka.- Orbain, Punkak gure herrian eta bereziki 80. hamarkadan utzitako aztana eta errekonozimendu ezari zuzendutako abestia da. 2014ean "bidaide" bilduman argitaratua eta oraingoan 2022. urtean, laukote izatetik hirukote moduan birgrabatua.
2019an Karlos Osinagarekin grabatutako abestia berreskuratu eta EKTZren esku utzi dugu. EKTZren eroankortasunak eta energiak, zilarrezko eta urrezko izpiak batu ditu, laser izpiak ugalduz. Hauxe da oraingo honetan norbanakoaren begi-ninitik, burbuinerano isladatu nahi duguna.
Oinarrizko eskubideen alde egiten dutenen omenez, justiziak ez duelako pisu berdina denentzako, epaileen itsutasuna eta ixiltasuna salatzeko, ulergaitzak ditugun epailak gaitzesten ditugu;
“Lehen bait lehen amets gaizto anker hau, ahaztu nahian betirako daramat…”
2016ko Iruñeako San ferminetako talde sexu erasoa gogora ekarri nahi izan dugu kantu honen bidez. Zalapartatsua bezain gordina izan zen kasu hura gure egunerokotasunean ematen baita etenik gabe. Taldekako edo banako sexu erasoek ez dute etenik!! Hauxe da pairatzen ari garen eta etenik ez duen pandemia, izurrite estrukturala.
MARMOKA GARA ETA BAGOAZ
Gizonan Pardela; Zentsugabe, neurrigabe, axolagabe. Itsasoa musukoz beteriko mikroplastikoaren ozeano aldare.
Zabalgarbi, Zubieta, Zaldunborda, Zaldibar. Errausketa gelditu, herria zaindu eta Zaldibar argitu!
Gogor astintzen duten haizeteak naturan eragina duen bezala, hondamendia dakar. Izurriteak, jendarte txiroenek pairatzen dituzte ondorio lazgarrienak, ingurumena hondatuz ekosistema aztoratuz, suntsipena. Denboralak txikizioa areagotzen du, gizabanakoa babesleku bila ezinbestean dabilen bitartean triskantza heltzen da eta zahugarrienak beti dira kolpatuenak.
Pandemia hasi eta urte betera gure itsas ibilbidean izandako bizipenak jaso eta lehorreratu ditugu, gizakiak kutsatu ez gaitzan osasun neurri guztiak hartuz. COVID-19 izeneko birusa omen dabil dantzan munduan zehar, inork musikarik jarri ez dionean baina azken boladan, bera da oholtzako erregina.
