Euskal preso eta iheslarien senideek ez dute atsedenik hartzen beraien senide eta lagunak etxeratzeko aldarrikapenean. Larunbatero, eguerdiko 12'30-12'45 bitartean dispertsioaren aurka kontzentrazioa burutzen dute Irunen, Ama Xantalengo zubiaren gainean, azokara doazen hiritarren aurrean.

Abenduaren 31an, preso eta iheslarien aldeko urteroko brindisa ospatu zen Moskun. Gabonetan egiten diren ekimenen artean, elkartasun brindisak 100 lagun inguru bildu zituen gure senide eta lagunei elkartasuna adierazteko topa eginez.

Datorren larunbatean, beste behin ere, milaka eta milaka lagunek Bilboko kaleak beteko dituzte euskal preso politikoen eskubideen defentsan.

Arratsaldeko hirutan, San Juan enparantzako Bixeratik autobusak aterako dira Bilbon burutuko den manifestazio erraldoira joateko. Oraindik txartelak gelditzen dira salgai Sunbilla eta Hazia tabernetan.

2014. urteak argi utzi du euskal preso politikoen kartzela-bizi baldintzak gogortu egin direla, eta bide batez beraien senide eta lagunena Giza Eskubideak urratzen dituen sakabanaketak indarrean jarraitzen duelako.