Pasa den ekainaren 19an, kolektibo sozial eta pertsona desberdinak Txerrimuñon asanblada bat egin genuen, elkar ezagutza eta gure arteko babesak bultzatu eta erlazioak eta komunitate sareak sortzeko asmoz.

Analisiaren zenbait apunte eta elkarbanatzen ditugun proposamenak atsikitzen ditugu eta pertsona, talde, kolektibo... guztiak gonbidatzen ditugu gogoetarekin eta ekintza bateratuarekin jarraitzera.

Iada askok ezagutuko duzuen bezala Apaiziartza Baserria eta Mixintxola Kontsumo Taldea nekazaritza okupazioko iniziatiba bat dira Gaintxurizketako nekazal landa eremuen defentsan.

Lurra bizitzen eta lantzen dihardugu 2011 urtetik hona, landa eremuetako bizierari garrantzia emateko motibazioarekin eta nekazaritza elikadura burujabetzaren ikuspuntutik hartuz.

Azken gertaera larrien harira urgentziazko deialdia zabaltzen dugu datorren maiatzaren 8an, ostegunarekin, arratsaldeko 19:00tan Lezoko Txerrimuñon egingo den batzarrera biltzeko.

1)- ALARMA EGOERA APAIZIARTZAN! -

Bi urte eta erdi pasa dira Gantxurizketako (Lezo) Apaiziartzako proiektua martxan jarri zenetik; Diputazioaren jabetzako Apaiziartzako baserri-erdi eta lurrak okupatuz eta hauen erabilpena berpiztuz, autogestioaren bidetik hiru oinarrizko helburu ardatz hartuta:

• Bertan eraiki nahi duten Plataforma Intermodalari aurre eginez Gaintxurizketako nekazal lurrak erabili eta bertatik elikadura subirautasuna bermatzea.
• Orsoalde mailan nekazaritza ekologikoan oinarritutako kontsumo sare bat sortzea, non dagoeneko 75 familiek jaten duten bertatik gaur egun.
• Etxebizitza bezala erabilpenik ez zuen baserri erdiari bizitza eman eta gaur egungo etxebizitza arazo larriari irtenbidea bilatu nahi dion jendeak aukera bat izatea, lurra eta baserria uztartuz.