Salbuespen politiken deuseztapenerako garaia da
Sortu Irun.- Pandemiak jendartearentzat oro har, aparteko neurriak probokatu ditu, goiz ala berandu altxako direnak. Euskal preso politikoek hamarkadak daramatzate salbuespeneko neurriak pairatzen eta bada garaia guzti horien deseskaladarako, denak deuseztatzeko.
SORTU Irun.- Preso politikoen nazioarteko egunaren bezperan, SORTUk agurrik beroena eta besarkadarik maitekorrena helarazten die euskal preso politikoei.
Aurten, mundu osoa astintzen ari den gaixotasunagatik, eta ezarritako neurriak direla eta, ezin izango dugu inolako ekiltaldi politikorik egin jendearekin zuzenean. Baina egun honetan, bereziki euskal preso politikoak dakartzagu gogora, eta haiek bizi duten egoera jendarteratu eta salatzen ditugu. Presoekin batera, haien senide eta hurbilekoak ere gogoratzen ditugu aurten; pandemiaren ondorioz etxetik irteteko debeku eta murrizketak denontzat gogorrak badira, are gogorrago eta kezkagarriagoak baitira haientzat.
Sortu Irun.- Igandeko Aberri Egunari begira, Euskal Herria Baterak egindako deialdiarekin bat egin du Sortuk. Hala, balkoi eta leihoetan ikurriña eta Nafarroako bandera jartzeko deialdia zabaldu, mosaiko erraldoia osatzeko argazkiak atera eta Aberri Eguneko ekimenetan parte hartzeko deia luzatu nahi dugu. Atxikitako dokumentuetan duzue Aberri Egunerako egitaraua.
Irungo Sortutik ere bat egiten dugu LARReko Mahaiak deituriko mobilizazioarekin eta deialdia egiten diogu irundar orori mobilizaziora. “Osasuna, ekonomia eta Klimagatik. EZ ERRE ETORKIZUNA” lelopean, DONOSTIAn zita dugu LARUNBATEAN 17.00etan EASO plazan.
Sortu.- Duela 41 urte esan genuen espainiar Konstituzioak ez zuela ez benetako demokraziarik ez benetako justiziarik ez benetako bakerik ekarriko Euskal Herrira. Esan genuen benetako demokrazia, benetako justizia eta benetako bakea ahalbidetzeko frankismoarekiko eta bere oinordekotzarekiko haustura demokratikoa ezinbestekoa zela. Esan genuen Trantsizio Demokratikoa deituriko hori “transakzio” bat baino ez zela, guztia “lotuta, eta ondo lotuta” uztea helburu zuena. Francok hautatu zuen Juan Carlos Borboikoa bere oinordeko, 36ko altxamendu faxista eta frankismoaren krimen guztiak zigorgabe gelditu ziren, eta estatu aparatuek ez zuten demokratizazio biderik egin: ez armadak, ez poliziak, ez botere judizialak, ez elite ekonomikoek, ez eta komunikabide handiek ere.
Sortu Irun.- Dakizuen bezala G7 gailurra gainean dugu, Miarritzen burutuko dena. Mundu kapitalistaren gobernantza ziurtatzen saiatzeko gailurra. Herrien, langileon, emakumeon, migranteon, prekarioon eta oro har “status quoa”-rekin bat ez dona oro mendean hartu eta zapaltzen jarraitzeko goi bilkura.
Milaka militar eta polizia ordena babeste, injustizia armez defendatzen alde batean, eta Auzolan erraldoia beste aldean: Nazioarteko KontraGailurra. Nazioartekoa bai, baina Irun-Hendaian, hemen bertan burutuko dena. Dakizuen bezala hito nagusi hauek dituena:
Sortu Irun.- Gainean dugu munduko dominazio sistema kapitalista, patriarkal eta arrazistaren biltzarra izango den G7a. Baina herri zapalduok mundu berri bat daramagu soinean eta indartzera goaz abuztuaren 21etik 23ra Irun-Hendaian egingo dugun kontragailurrean. Nola? Abuztuaren 8an, osteguna, 19.00etan Hazian egingo dugun batzarrean landuko dugu gaia.
