Irungo militante internazionalista bat atxilotua dago Txilen
Atzo arratsaldean atxilotu zuten, Txiletar estatuko Maputxe herriko komunitate batetan zegoen euskal militantea. Ostegunero bezala, Maputxe herriaren historia ezagutzeko, eta Maputxeen Mapudungun hizkuntza ezagutzeko, unibertsitateko klasera zihoan militante irundarra. Momentu horretan, unibertsitatean, Txiletar polizia agertu, atxilotu eta bere kontra kanporatze agindua zegoela esan zion.
Santiago de Txilera eraman, eta han dute poliziaren esku, Txileko estatutik kanporatzeko prozedura burutzen den bitartean. Litekeena da, gaur bertan, hango 22:00etan -sei ordu gutxiago dira han-, abioi batean sartu eta Estatu espaiñolera bidaltzea.
- Gehiago irakurriIrungo militante internazionalista bat atxilotua dago Txilen -ri buruz
- Egutegia
- Logeatu iruzkinak post-eatzeko
- 1414 irakurketak
- Castellano
Asteazkena 20
Irunabar.- Udako beroak ito behar gaituen honetan, proposamen berezi bezain polit batekin gatozkizu: Auntxa Trikitixa Eskolak Erromeria antolatu du datorren larunbaterako (uztailak 23). Auntxako trikitilari eta pandero-joleek Ola sagardotegira hurbiltzen direnak alaituko dituzte euren kantuekin 18:30etik 20:30era lehenik eta 22:30etik aurrera ondoren.
Donostian metroa gelditzeko Satorralaia bizilagunen mugimenduak antolaturik, Alemaniako STUTTGART XXI mugimenduko kideek hitzaldia emango dute uztailak 19 asteartean, arratsaldeko 7etan Donostiako Koldo Mitxelena kulturgunean.
Bidasoa Bizirik.- Irungo Udalak, Bidasoa Bizirik-en bidez, IrunLab Industria programa errepikatu du berriro. Horri esker, industriako eta industriari lotutako zerbitzuetako Irungo lau enpresak sormen ekintzak garatuko dituzte, organizazioari buruzko berrikuntza proiektuak aurrera eramateko. Artista eta sortzaile ezberdinek kolaboratuko dute ekimenean, proiektuetan metodologia abangoardistak ezarriz.
ELA Sindikatua.- Bidasoa ESIak ELAk bultzaturiko gehiegizko TISen ordainketa beharra onartu die lehen arretako behin-behineko lau medikuri. Onarpen honen atzeraeraginak 12.000 eurotarainiko kalteordainak ordaintzera behartu du. 
Osteguna 14
Irungo EH Bildu.- Azken aste hauetan hainbat komunikabideetan eraso sexisten berri jakin izan dugu, azkenak, Iruñeako San Ferminetan emandakoak. Baina ekainaren amaieran bai Ibarran baita Irunen ere, gure herrian, emandako erasoak ere ezagutu izan ditugu.
“Tren Txikito” izenaz ezaguna den Bidasoko Trenbidearen inaugurazioaren Mendeurrena dela eta, Peña Kaleko 1ean kokatutako Kabigorri Ateneoan uda osoan ikusi ahalko den erakusketa bat eskainiko da uztailaren 14tik irailaren 10a arte, ostegunetik larunbatera, arratsaldeko 7etatik aurrera.