“Negozio digitalen garapena” izan da ikastaroaren izenburua, eta azaroaren 28tik urtarrilaren 11ra egin da. Guztira, arlo digitaleko enpresa proiektuen sustatzaile diren zazpi pertsona izan dira parte hartzaileak. Batzuek negozio ideia zehatzak zituzten, eta horiek aurrera eramateko prest zeuden. Beste batzuk enpresa berriak egonkortzeko fasean zeuden.
Kaixo!! Gaurkoan gurean Lapiko Gorria atalean Getxoko Tosu-ko gunean dagoen gatazkaren inguruan mintzatuko gara, baita Fukushimako hondamendiaren inguruko alde ilunetaz ere. Elkarrizketa nagusian Ibai Esteibarlanda izan dugu gurean berak Tokiko Garapena eta Komunikazioaren inguruan eginiko ikerketaren nondik norakoak azaltzeko. Gaurko esaldia: "Zuk bala duzu nik hitza, bala eztandarekin hiltzen da, hitza berriz aipatzen den bakoitzean errepepikatzen da"
Ahal Dugu-ren “Vamos!” herritarren partaidetza ekimenaren I. Euskadiko Biltzarra egingo da datorren igandean, Irunen. Alberto Rodríguez diputatu kanariarrak eta Pilar Garrido senatariak aurkeztuko dute jardunaldia; bertan tailer batzuk emango dira Euskadiko gizarte mugimenduekin, herri-komuniazioari buruzkoak. Eta, horretarako, kultura-, kirol-, elkartasunezko, hezkuntzazko eta aisialdiko ekintzez baliatuko dira aldarrikapen ekintzak gizartearen gehiengoa ahalduntzeko tresna erabilgarri bihurtzeko, ardatza herritarren partaidetzan jarriz.
Bidasoa bizirik-ek bilera antolatu du Connect Innovation Bai! programako parte hartzaileekin, 2016 urtean izan dituen emaitzak, eta 2017rako ekintzak aurkezteko.
Donostiako “Satorralaia” bizilagunen mugimenduak elkarretaratzeak egin ditu gaur Gasteizen Eusko Jaurlaritzaren eta Legebiltzarraren aurrean, gure hirian zeharo behar gabekoa eta desadostasun zabala pizten duen Metro bat eraikitzeko proiektua geldiaraztea eskatzeko. Jaurlaritzak berak 2013an “obra faraonikotzat” jo zuen egitasmo hau. Gasteizera joateko autobusa antolatu dugu eta 50 lagun inguru bildu gara.
BIHOTZ SALATARIA bakarrizketa Lakaxitan ikusteko aukera izanen duzu Martxoaren 19an igandearekin, Iñaki Ziarrusta, Atx teatroko kidearen eskutik. Edgar Alan Poe ipuin ezagunean oinarrituta dago. Ohi bezala 18.00tan pintxo pote egonen da eta 19.00tan ikuskizuna hasiko da.
Alternatiba.- Faktoria Lilaren "Él nunca me pegó" dokumentalaren proiekzio ziklo berria antolatu du Alternatibak hurrengo martxoaren 16an, eta emanaldiaren ostean, hizlari lanetan arituko da berriro filmaren zuzendari eta militante feminista Irantzu Varela.
Dagoeneko lau dira Bizkaiko Probintzia Auzitegiak IRPH erreferentzia indizea baliogabetuz ebatzi dituen epaiak, Javier Viaña abokatuak emandako epaiak ikusi ondoren IRPH Stop Gipuzkoa elkarteak baieztatu ahal izan duenez.
Lan munduko baldintzen eta alternatiben inguruko jarrerak ezagutzeko inkesta jarri zuen martxan OlatuKoopek urtarrilean, Aztiker Ikergunearen laguntzarekin. Ostiral honetan, martxoaren 17an, emaitzak aurkeztu eta eredu berri baterako gakoak landuko ditu Orereta-Errenterian.
Inkesta, otsailaren 13ra arte, 16 urtetik gorako langile euskaldunek erantzuteko aukera izan zuten, Internet bidez.
Martxoaren 18an (larunbata), 15:00etatik goiti, Hendaiako elkarteak Daniel Ugarte pilotalekuan izanen dira zuen zain, Euskararen Eguna ospatzeko!