EH Bildu.- Jada martxan da gure bailaran Gipuzkoako Foru Aldundiak antolatutako Partaidetzazko Aurrekontuak ekimena. Gipuzkoako beste eskualdeekin alderatuta atzerapenarekin bada ere, 500.000 euro zein proiektutan erabiltzea nahi duten erabakitzeko  proposamenak egiten  hasi da jendea Irun eta Hondarribian burutzen ari diren 6 tailerretan.

Ekimen honek dituen 3 unetatik lehenengoan gaude oraindik, proposamenak egin eta herritarron artean eztabaidatzeko unean. Garaiz gaude oraindik.

Irungo EH Bildu.- 2013.ko abenduko osoko bilkuran, Bidasoaldeko hainbat eragilek idatzi eta BILDU - EB Berdeak Udal taldeak aurkeztuta, Plaiaundiko kirol azpiegiturak  eremu horretatik ateratzea proposatzen zuen  mozioa eztabaidatu zen Udalbatzan.

Mozio horren eztabaida gorabeheratsua izan bazen ere, ñabardurak ñabardura, talde guztiak ados jarri ginen kirol azpiegitura horiek eremu horretatik lehenbailehen atera behar zirela esateko.

Irungo EH BILDUk Osoko bilkura ezkero hainbat talde politikok erakutsi duen jarreraren aurrean  bere kezka azaldu nahi idatzi honen bitartez. Hain zuzen ere, Irundik kanpo eta Irungo Udala ez den beste instituzioei begira PNV zein PSE taldeak egin dituzten adierazpenak ez ditugu ulertzen ezta konpartitzen ere. 

Irungo EH Bildu.- Lehenik eta behin, mankomunitateko lehendakari eta lehendakari ordearen gardentasun eza salatu nahi dugu. Duela 8 hilabetetik hona Txingudi Mankomunitateak bere hondakinekin zer egin eta  bere bide propioa erabakitzen ari den honetan, Mankomunitateko azken bi batzarretan gure taldeko ordezkari den Oinatz Mitxelena Munduatek txostenaren  inguruan egin zuen galdera. Gaur da eguna txosten hori jaso ez duguna eta hala lan egitea ezinezkoa dela adierazi nahi dugu beste behin. 

Irungo EH Bildu.- Jakin badakigu edozein eremuetan obra batek zalantzak, kezkak eta ezinegonak sortzen dituela, obra hau ez da salbuespena izango. Irungo EH Bilduk bere egiten ditu Urdanibia plazako obrak auzotarrengan, saltzaileengan, tabernariengan, eta bertan bizitza egiten duten guztiengan eragiten dituen kezkak.

Gure taldeak hasieratik heldu dio gure herrian burutzera zioan obra honi eta auzoan lanketa bat abian jarri genuen. Bertatik ateratako ekarpenak ere aurkeztu genituen eta jarraipena egingo genuela adierazi dugu behin baina gehiagotan publikoki. 

Irungo EH Bildu.- Irungo EH BILDUk egungo Udal gobernuak gatazka ezberdinak konpontzeko duen gaitasun eza agerian jarri nahi dugu beste behin.

Gaur ezagutu dugun berriak, kale garbiketak hiritarrontzat duen kostuak, hala erakusten du.

Denboran irauten duen arazoa izanik eta dituen kostuak ezaguturik, hiritarrak "incivicos" deitu eta isunekin mehatxatu beharrean arazoaren errora jo beharko genuke.

Irungo Irun.- Agintaldi honen hasieran alkateak argitaratu zuen “UDAL ETIKAREN ALDEKO IRUNGO ALKATEAREN DEKALAGOA” dokumentua eta udalaren barne-funtzionamendua hobetzen eta herritarren parte-hartzea gehitzen laguntzeko, honako gai hauek gauzatzea proposatzen du Bildu udaltaldeak.